Inbuatsaih dan tur sawipui

Ministry of Railways hnuaia Zonal Railway Users Consultative committee member Lian-zuala chuan, Inrinni khan rel avanga Mizoram hmasawnna kal chak dan tur leh Mizoten hna nghet kan neih theih nana inbuatsaih dan tur chungchang Kawnpui VC III House-ah, Kawnpui VC pathum leh YMA hruaitute a sawipui.

Lianzuala chuan rel kawng siam zawh a nih a; rel lian a lo luh hunah chuan Mizoramah mipui mamawhte man tlawm zawkin a lo thleng dawn tih sawiin, "Kan hmasawnna dinhmun chuan a ṭhat phah dawn a ni. Ei leh bar a tlawm thei ang a; mipui tan a nghahhlelhawm a; hmasawnna a chak phah dawn a ni. Mizoram
aṭanga state pawn phurh let ve tur thlai te, ramngaw leh leilung hausaknate kan lo buatsaih lawk a ngai," a ti.

Lianzuala chuan sig--nalman; flagman; swee-per; peon, chow-kider, driver leh handy-man atan Indian Railways-in kum tin 1000 chuang a la thar ṭhin tih sawiin, "Mizoram chhunga thawk tur chuan Mizo ngei chu duhsak an ni dawn a; thawk thei turin tun aṭanga lo inbuatsaih lawk a ngai a ni," a ti a, Railways hnuaia hna nghet thawk duh chuan tun aṭangin Hindi leh English zir a pawimawh thu a sawi.

Sawihonaah hian rel kawng siamtuten Kawnpui khaw chhung kawng leh Hortoki panna kawng an tihchhiat nasat tawh thu sawi lan a ni a, VC-I hruaitute chuan an khaw chhung kawng an siam mek nana pawisa la thawh kim lo contractor pakhat chu hnathawk tawh lo tura hrilh an tum thu an sawi.

Lianzuala hi North East Frontier Railway officer pahnih Dilip Batacharjee leh Amit Jaiswal ten an
ṭawimawm a ni.