Christina Grimmie Kristian a nih avangin thah a ni em?

Tunlai hian internet lamah chuan The Voice-a pathumna pawh lo ni tawh, Christina Grimmie thah chhan chung≠changah, Kristian a nih avanga thah niin an sawi.

Santa Monica Observer-in police-te hnuchhui ṭhenkhat a tarlanah, Grimmie thah a nih chhan kha eng dang vang a ni lo a, amah huat vang leh duh loh vang liau liau a ni. A thattu, Kevin James Lobl, kum 27 phone leh a e-mail te en a ni a, hetah hian inhuatna lam thil vanga thleng niin a tarlang a ni. Chanchinbu dang report ṭhenkhatah chuan hetiang thil hi police-te chuan an la hriat loh thuin an chhuah a, an chhui zui mek an ti.

Grimmie hi Medford, New Jersey-a Fellowship Alliance Chapel-ah an rawngbawltu ṭangkai tak a ni a, worship leader (zai hruaitute) zinga mi a ni. He kohhran hian Christina chu an rawngbawltu ṭangkai tak a ni tih an sawi a, an ui hle tih sawiin, tunah chuan Krista hnenah a chawl ta a ni tiin an sawi bawk.

An pastor, Berglund chuan an kohhranah hian Christina chu naupang a la nih lai aṭangin a rawn inkhawm ṭhin tih a sawi a, a nu leh pate nen pawn an inbe pawp reng a, an inthlamuan tawn reng tih a sawi.