January 14-ah NLUP sem ṭan leh dawn

Krimas leh kum thar vuakvêtah NLUP ṭanpuina sem chawlhsan lai­­lâwk a nih hnuah, January 14 aṭangin sem chhunzawm a ni dawn.

NLUP Implementing Board chuan line department leh district tina deputy commissioner-te chu January 14, Kuthnathawktute Ni aṭangin NLUP ṭanpuina sem chhunzawm turin a hriattir a; ṭanpuina dawngtute hnathawh ngun taka en a, ṭanpuina dawng zui tlakte hnenah chauh ṭanpuina pe turin a ti.

Hetih lai hian, January 14-a Kuthnathawktute Ni hman dan tur chu nimin khan NIB conference hall-ah NIB chairman, JH Roṭhuama hoa ngaihtuah a ni.

January 14-ah district khawpui zawng zawng­ah Kuthnathawktute Ni hman a ni dawn a, Aizawl­ah chuan Synod Conference Centre-a hman turin programme duan a ni a, NLUP chungchanga mithiamte paper buatsaih zirho a ni ang.