Khawthlir

Heroin man
Excise & Narcotics department-a Anti-Nar­cotics Squad-te chuan nimin chawhnu dar 1 vel khan Ramhlun Vengthar­ah heroin gram 32.5 leh a neitua puh, Zoramhluni (40) d/o Rualzachhinga (L), Sihphir nia inchhál an man. NDPS Act Section 21(b) hnuaiah thubuai siamsak a ni.

R-Day sawiho
Nimin khan Lawngtlai addl. DC, R Lalsang­luaia hoin DC conference hall-ah Lawngtlaia Republic Day hman dan tur sawiho a ni a; Republic Day chu YLA khelmuala hman tura ruahman niin, home leh damdawi-inahte thilpek hlan a ni ang.

Hna sawiho
Health department hotute chuan Health secretary Arun Goyal hoin nimin khan Secretariat Conference Hall-ah kum 2015 chhunga Health department hmalak dan turte an sawiho a; chak zawka hna thawh a nih theihna atan infuih tharna hun an hmang nghal bawk.

AMC-in tanpui
Lalnunmawia Zadeng, Zarkawt zawnnaa senso phuhrukna atan Aizawl Municipal Council (AMC) chuan nimin khan Zarkawt branch YMA hnenah Rs. 10,000 an hlan.

UPC seminar
Mizoram UPC chuan nimin khan an general headquarters office conference hall-ah pastor atana an lak tharte pualin intuaitharna an buatsaih a, pastor thar pali an tel. Rev. Zoramthara leh Rev. C Lalremsanga ten tihl pawimawhte an zirtir a ni.