February-ah VC/LC inthlan

Mizoram district paruka village council leh local council thlanna neih tur leh chumi atana electoral roll ennawn dan tur ngaihtuahin nimin khan state elec­tion commissioner L Tochhong hoin SEC pisaah mi pawimawhte an ṭhukhawm a; inthlan hi February 2015 ral hmaa neih tum a ni.

Meeting-ah hian Assembly electoral roll aṭanga VC/LC electoral roll siam chhuahna atana VC inthlan dan siam ṭhat tawh hmangin Aizawl, Mamit, Kolasib, Champhai, Serchhip leh Lunglei district-a VC/LC electoral roll ennawnna, summary revision neih dan tur ruahman fel a ni.

Ruahman dan chuan, January 31, 2015-ah draft roll tàr chhuah a ni ang a, February 4 thleng sawisel tur neite tan hun hawn a ni ang. February 5-7 ah dilna leh sawiselnate chinfel a ni ang a, Feb­ruary 9-14 inkarah electoral roll thar chhut chhuah tur niin, February 16-ah tihchhuah a ni ang.

Thu dawn danin, tuna district paruka VC/LC term ding lai hi February 2015 tawpa tawp tur a ni.