Kolasib leh Serchhipah FGCC

Mizoram Presbyterian Kohhran chuan nimin khan Serchhip leh Kolasib-ah Family Guidance & Counselling Centre (FGCC) thar a hawng.

Serchhipa FGCC hawnna inkhawm chu Serchhip Kawnpui Presbyterian Kohhran biak-inah neih a ni a, Synod moderator Rev. Lalrinmawia'n a hawng. FGCC atan hian an hranpain office an la siam lo a, counsellor Rev. C Lalrintluanga inah kalpui hrih tur a ni.

Kolasib-ah pawh nimin khan Kolasib Venglai Presbyterian biak-inah Synod executive secretary, Rev. Lalramliana Pachuau-in FGCC a hawng a; FGCC chu Kolasib Venglai biak-in building-ah siam a ni.