Khawthlir

Thisen pe
Maubawk pastor bial KṬP-te chuan January 8, 2015 khan Synod Hospital-ah thisen unit 41 an pe a, a petute hi mipa 35 leh hmeichhia paruk an ni.

Bravery Award
Kum 14 mi, Mesak K Remnalalnghaka (L) s/o Lalmuansanga (L), Thingsai chu National Bravery Award for Children, 2014 dawng tura thlan a ni a, kumin Republic Day-ah New Delhi-ah India President-in a hlan ang. Mesak Remnalalnghaka hian a ṭhrianpa tuitla chhanchhuah a tumna lamah a nunna a chán a, chuvang chuan naupang huaisen chawimawina dawng tura thlan a ni.

Missionary Day
Naktuk, January 11 hi Missionary Day a ni a, Mizoram Baptist Kohhrante'n uar takin an hmang dawn. Mizorama missionary hmasa, Sap Upa (Rev. FW Savidge) leh Pu Buanga (Rev. JH Lorraine)-te'n Mizoram an rawn thlen ni, January 11, 1894 chu Missionary Day atan hman a ni.

MJA-in rál dawn
MJA gen.hqrs chuan vawiin chhun dar 1 hian an member Ramdinthara, Chhawrpial news editor pa, Rev. ZT Sangkhuma râlna hun an inah an hmang dawn a, MJA gen.hqrs member-te leh district danga MJA member, Aizawla awm remchangte chu tel vek tura beisei an ni.

Champion lawmpui
Parliamentary secretary (School Education), Joseph Lalhimpuia
chuan nimin khan Guwahati Mizoram House-ah National School Games neih zawh taka champion Mizoram School Hockey team, U-17 (Girls)-te lawmpuina thingpui a inpui.

R-Day sawiho
Nimin khan Saiha addl. DC, Beila Khithie hoin DC conference hall-ah Saihaa Republic Day hman dan tur rel a ni. Meeting chuan, Republic Day-ah hian department panga chu tableu entir turin an ruat a ni.