January 15-ah MLPC hmang ṭan dawn

Excise & Narcotics secretary PC Lallawmsanga chuan, January 7, 2015 khan notification chhuahin, Mizoram Liquor Control & Prohibhition (MLPC) Act, 2014 chu January 15, 2015 aṭanga hman ṭan tur a nih thu a tarlang.

Excise & Narcotics secretary-in notification a chhuah dan chuan, MLPC Act chuan MLTP Act-in a huam loh autonomous district council (ADC)-te pawh a huam dawn a ni.

MLPC Act hi January 15, 2015-ah hman ṭan ni dawn mah se, Mizoramah zu zawrh a la nih dawn loh avangin Mizorama zu awmte chu man theih a la ni dawn a; MLPC Act dan hnuaiah hian state páwn aṭanga zu lak luh phal a ni lo.

Hetih lai hian, Excise & Narcotics department chu zu zuar turin a inbuats­aih mek a, thil tihfel ngai hrang hrangte tihfel a nih hnuah Mizoramah zu zawrh a ni ang.