Young Chakma Association khawmpui

Central Young Chakma Asso­ciation (CYCA) chuan January 5-7, 2015 chhung khan Longpuighat-ah General Conference an hmang a, Mizoram chhung leh páwna YCA member sâng chuang an kal khâwm.

YCA general Conference-ah hian Chakma hnam dân (Chakma Customary Law) thlâk danglam ṭha an tih thu an sawi a; an hnam dân nia ngaia hun rei tak inneihna an lo kalpui tawh dan chu thlâk danglam a, tih dan thara thlâk an rél a ni.

Dan anga innei thei chin kum bithliah chu mipa tan kum 21 leh hmeichhe tan kum 19-ah bithliah thar an rel a, 'Chakma ṭhalaite'n kawppui atan hnam dang an neih lohna turin CYCA-in a ṭul angin hma la rawh se,' an ti.