Minister-in inthurual a ngai pawimawh

Minister C Ngun­lian­chunga chuan, Mizoram ram nuama siam turin a chhunga chêng hnam hrang hrangte inthurual a pawimawh thu a sawi.

Pang Zirlai Pawl-in January 6-8, 2015 chhunga Vaṭhuampuia General Conference an neih a hmanpuinaah thu sawiin, C Ngunlian­chunga chuan, "Mizoram a nawm theihna atan hnam hrang hrangte'n thawhhona ṭha kan neih a pawimawh hle. Zirlai pawl hrang hrangte hian nasa lehzualin hnam inpumkhatna turin hma la zel se a duhawm hle a ni," a ti.

C Ngunlianchunga chuan, ram leh hnam tan nghet taka zir­laite an din tlat a pawi­mawh thu sawiin, hnam hrang hrangte'n mahni ṭawng ṭheuh zahpui lo a, kan hnam ṭawng ngeia thu kan sawi theih nan hma la sauh sauh turin zirlai pawlte a sawm a ni.

Pang Zirlai Pawl con­ference hi MZP president Lalhmachhuana leh MSU general secretary Lal­remruata Chhangte-te pawhin an hmanpui a ni.