Zorama remna palaiin Myanmar-ah kal dawn

MNF president Zo­ramthanga chuan Myanmar sorkar leh an rama hel pawl hrang hrang 17 inhlâwm khawmte inkara remna palai hna thawk turin nimin chawhnu dar 2:30 khan Mizoram a chhuahsan.

Zoramthanga hian nimin khan Kolkata a pan a, vawiin hian Kolkata aṭangin Yangoon a pan ang. Myanmar sorkara a buaipuitu minister-te nen January 13-17, 2015 chhungin remna zawngin an inbe dawn a ni. Remna zawnga inbiaknain a khaihhnawih hel pawlte zingah - Karen, Kachin, Uah, Chin Hills, Arakan, Shan huam chhunga hel pawlte an tel a ni.

MNF chuan, an president Zoramthanga, ram dang sorkar leh an ram chhunga hel pawlte inkara inremna a awm theih nana palai hna thawk tura sawm a ni chu ropui an tih thu leh an chhuan thu an tarlang a; Zoramthanga'n remna kawng a zawnnaah ṭawngṭaipui turin Mizo mipuite an ngen a ni.