Sangha quintal 250 man tawh

Serlui B Hydel Project tuikhuaha Fisheries department-in cage culture hmanga sangha an khawi chu hralh chhuah mek zel a ni a, January 10 thleng khan sangha quintal 250 man an tawh a, quintal 50 vel man tur a la awma ngaih a ni.

Fisheries department hotute sawi danin, Serlui-B tuikhuah chhunga sanga bâwma sangha khawite chu phuhlip nei lo chi, Pangasious Suechie a ni a, tunlai hian New Secretariat kawtah an hralh chhuak ṭhin a ni. Kg. khat Rs. 100-in an hralh a, mahse an beisei ang a la nih chiah loh avangin sangha chi dang, Common Carp khawi turin hma an la ṭan mek a ni.

Serlui-B tuikhuahah hian September 27, 2013-ah sangha khawi ṭan niin, báwm 48-ah khawi a ni a, báwm pakhatah sangha notê 3,500 zel khawi a ni.