Lo vahnaah thiin chhar

January 9, chawhma dar 11 vel khan Tuan­chunga (45) s/o Hevunga, Sangau-IV (Dinthar Veng) chu a lo vahnaah thia chhar a ni.

Sangau aṭanga thu dawn danin, Tuan­chunga hi a fapa Van­lal­chhanchhuaha (13) nen Sangau aṭanga km. 3 vela hlaah lo an vat a, lo an vah laiin Tuanchunga chuan a fapa chu ina thing zaina àrá la turin a tir a ni. A fapain an lo vahna a thlen leh chuan Tuanchhunga chu lo vahnaa thing an tan tawhna bulah thiin a hmu a, fapa ṭap thawm hriain, an bul hnaia lo vât ve dangte'n an buaipui zui a ni.

Tuanchunga taksaah thing vuakna leh delhna hnûhmá hmuh a ni lo a, Sangau damdawi-in (PHC)-ah doctor an awm loh avangin post mortem lohin January 10 khan vui a ni.