Zonet TV-in officer tharte a hual

Zonet Cable TV chuan nizan khan The Grand Hotel hall-ah MPSC-in Mizoram Civil Service (MCS) leh Mizoram Police Service (MPS) atana a lak thar mi 10 ve vete chu chawimawina leh hualna hun a buatsaih.

Chawimawina leh hualna inkhawm hi Zonet managing director RK Lianzuala'n a kaihruai a; Pachhunga University College-a zirtirtu Lal­lungmuana'n fuihna thuchah a sawi a, MCS leh MPS officer tharte hnenah Motor Accident Claims Tribunal-a presiding officer KL Liana'n chawimawina thilpek a hlan a ni. Officer tharte aiawhin Daniel Sailo-in thu a sawi bawk.

MPS atana a tira tlingte zinga mi pathum - pakhatna Christina Lalmuanzuali, parukna Lalrinawma Khiangte leh pariatna Lalrinpuia Ralte te chuan an zawm dawn lo. Hei vang hian panel list-a awm mi pathum - Zonunthara s/o Ngaklianmawia, Mis­sion Vengthlang; F Vanlalrochana s/o Rev. F Laltlanthanga (L), Zotlang, Aizawl leh Zomuanpuii d/o Laltluanga (L) Chanmari, Aizawl te chu MPS atan an tling chho a ni.

MPS officer tharte hian North East Police Academy, Shillong-a kum khat chhung training turin tukin hian Aizawl an chhuahsan ang.