Republic Venga inthahna an dem

State Bank of India Officers’ Association leh State Bank of India Staff Association chuan thuchhuah in­ṭawm siamin, an thawhpui, Khualthangi te chhungkuaa mi panga January 9, 2015 zana rawng taka thah an ni chu an dem tak zet thu an tarlang a, "Na kan ti ngawih ngawih a, kan thinrimna hian a tawng theih sang ber a tawng tak meuh a ni," an ti.

MHIP general headquarters, Mizo Students Union leh Hnahlan Welfare Committee, Aizawl te pawhin thuchhuah siamin, Sangliansiama te chhungkua rapthlak taka thah an ni chu an dem tak zet thu an tarlang a, tun hnuah tualthihna thleng tawh lo se an duh thu an sawi.

Sangliansiama te chhungkaw chunga thil thleng an dem thu thuchhuah siama puangtute hian tualthattua puh, Laltlanchhuaha, Republic Veng chu a na thei ang bera hrem ni se an duh thu an tarlang a ni.