Winery licence nei mi panga an awm

Excise & Narcotics department hnuaiah tun dinhmunah grape wine siam phalna, winery licence nei mi panga an awm mek a; chung mi pangate chuan Champhai, Hnahlan, Tuirial, Sesawng leh Tuivamit-ah winery an nei.

Excise & Narcotics department website-a tarlan danin, winery pangate chu - Champhai Winery, Hnahlan Winery, Blu’ Gem Winery, Tasde Winery leh Golden Winery te an ni. Champhai Winery leh Hnahlan Winery-ah hian port wine siam chhuah a ni a, Golden Winery-ah 'Tuirial' tih siam chhuah niin, Blu’ Gem Winery leh Tasde Winery aṭanga thil siam chhuah erawh tarlan a ni lo.

Champhai Winery, Hnahlan Winery leh Blu’ Gem Winery licence chu March 31, 2015 thleng a nung a, Tasde Winery leh Golden Winery licence chu March 31, 2016 thleng a nung.