Minister-in DTBL ti thuai turin ngen

Food Civil Supplies & Consumer Affairs minister John Rotluang­liana chuan, Mizo mipui­te eirawngbawlna gas subsidy-a la duh zawng zawngte chu a rang lama Direct Benefit Transfer of LPG (DBTL) zawm turin a ngen.

John Rotluangliana hi nimin khan Direct Benefit Transfer of LPG chungchangah Indian Oil Corporation (IOC), Guwahati hotute'n an general manager KK Handique hoin an rawn kâwm a ni.

DBTL hi India ram district 54-ah November, 2014-ah an hmang ṭan tawh a, India ram pumah January 1, 2015 aṭanga hman ṭan tura tih a ni. Mah se, LPG consumer zawng zawng tan thla thum chhung khaw­ngaihna hun pek belh a ni a, grace period hi a zawh hunah a ṭul chuan parking period pek leh a ni ang.