LADC office-a thawkte inhlanthar

Lai Autonomous District Council (LADC)-a hnathawkte chuan nimin khan inhlantharna an buatsaih a, chief executive member (CEM) V Zirsanga'n thu a sawi.

V Zirsanga chuan Lairam mipuite chu Pathianin rorelna hran siam sak a, hmasawnna rahbi rap thei tura a ruahman avangin LADC office-a hnathawktute leh mipuite chu Pathian hnena lawmthu sawi fo turin a chah.

Hmasawnna hnathawktu tak tak chu sorkar hnathawkte an nih thu sawiin V Zirsanga chuan, "Sorkarna siamtu politician-te chu sava thlawk lai angin an kalbo hun an nei ṭhin. Hmasawnna hna tak tak thawk tur chuan officer leh thawktu dangte an pawimawh," a ti.

Inhlantharna hun hi LADC chairman F Rualhlira'n kaihruaiin, LADC office-a hnathawk pension a chhuak leh nunna chan mi 11 sunna hun hman a ni.