AMC Ward-VI draft roll tlangzarh

Aizawl district bawrhsap Lalhriatpuia chuan nimin khan DC conference hall-ah Aizawl Municipal Corporation (AMC) Ward VI-a by-election neih tura electoral roll siamṭhatnaa behchhan tur draft electoral roll a tlangzarh.

Draft electoral roll tlangzarh takah hian votee 9,846 awmin, polling station 10 a awm a; voter-te chu mipa 4,594 leh hmeichhia 5,252 an ni.

Electoral roll ennawn turah hian paih, thun thar, siamṭhat ngai leh insawn duhte tan July 18, 2024 thleng LLO hnenah dilna thehluh theih a ni a; dilnate chu July 19-26, 2024 chhungin MERO/AMERO-te'n an endik dawn a, July 31, 2024-ah final electoral roll tlangzarh a ni ang.

AMC Ward-VI corporator John Zosang-liana chu March 21, 2024-ah a thih avangin by-election buatsaih a ngai a; Ward VI-ah hian veng pathum - Chanmari West, Edenthar Veng leh Hunthar Vengte a awm.