Sorkar turin MNF a inbuatsaih mek - Dr R Lalthangliana

Mizo National Youth Front (MNYF) chuan July 9, Thawhlehni khan ZTS Centre-ah MNF Ṭhalai Meet cum Political Orientation Training an nei a, MNF ṭhalai hruaitu mi 100 chuang an tel. An hun hmanpuitu MNF senior vice president Dr R Lalthangliana chuan, ZPM sorkar chêt danin mipui bakah sakhaw puithiamte thlengin a tibeidawng nia sawiin, "MNF party chu sorkar leh turin a inbuatsaih mek a ni," a ti.

MNYF president Robert Romawia Royte chuan, MNF ṭhalai hruaitute chu MNF danbul leh innghahna hre chiang turin a chah a; Mizo hnam movement rah chhuah - India Danpuia Mizote humhimna Article 371G chu a hlut thu a sawi.

Inkhawmah hian MNF PAC member R Lalzirliana pawhin thu sawiin, party tana thawk turin a chah a, "Tuna sorkar mek ZPM-te mak tak taka an chêt avangin mipui bei a dawng mek a ni," a ti. Resource person pahnih - Dr Vanlalṭanpuia leh J Malsawmzuala Vanchhawng ten thil pawimawhte an sawi bawk.