UPSC Prelims-a tlingte kâwm

Mizoram Youth Commission (MYC) chairman Malsawmzuala Ralte chuan nimin khan a pisaah UPSC Preliminary Exam paltlang Mizo pariat zinga Aizawla awm pahnih - KC Zalena leh Vanthangpuia te a kâwm.

MYC hotute chuan, MYC thil tum pakhat, 'UPSC hnuaia Mizo ṭhalai prelims tlingte chu a ṭul apiangah hmalakpuia ṭanpui ni se' tih a nih angin UPSC Mains exam atana an inbuatsaihna turah test series an mamawhte a leisak dawn bakah, a remchan angin chawlhkar tawpah MYC office-ah test an nei ṭhin dawn tih an sawi.

MYC chuan, Mizo ṭhalai, UPSC prelims paltlang zinga an hnena la inhriattir lote chu MYC office-ah inhriattir vat turin an ngen a ni.