MLA-in YMA jubilee a hmanpui

YMA, Bawngthah Branch chuan nimin khan an branch kum 75-na, platinum jubilee an lawm a, bialtu MLA Lalrintluanga Sailo-in a hmanpui. Bawngthah YMA hi kum 1949-ah din a ni a, member 339 an awm mek a, mipa 176 leh hmeichhia 163 an ni.

Dampa bialtu MLA Lalrintluanga Sailo chuan, YMA chu ṭanpui ngaite ṭanpuitu pawl ropui a nih thu a sawi rualin, khaw hrang hranga ṭanpui ngaite ṭanpuina dan leh YMA anga ke pênnaah inenfiahna tur a awma a hriat thu a sawi a, "Ṭanpui ngaite ṭanpuitu kan nih leh zelna turah mahni insên huama theihtawpa pên chhuak ṭhin YMA nih i tum ang u," a ti. MLA hian platinum jubilee lawmpui nan Rs 10,000 a pe a ni.