Hlimenah chhawmdâwlna hlân a ni

North Eastern Development Finance Corporation Ltd (NEDFi)-in Mission Foundation Movement (MFM) kaltlanga Cyclone Remal-in Hlimena in a tihchhiat chhungkua 21-te awmna relief camp sakna atan bungrua leh relief camp-a awmte tan ei tur an pe a, nimin khan MFM hotute'n an hlan.

NEDFi-in ṭanpuina an pekte chu shuttering board 142, rangva bãn 90 leh in sakna bungraw dang bakah, buhfai ip 40, dailuah ip 40, alu ip 40 leh chhungkua mamawh dangte a ni a; ṭanpuina inhlanna hun hi MLA TBC Lalvenchhunga leh bialtu AMC corporator Dr C Malsawmtluangi ten an telpui a ni.