Sorkarin buhfai man vbc. 15 a ba

Food Civil Supply & Consumers Affairs (FCS&CA) department chuan buhfai supply tura an thlan, Rem Rem Enterprise pawisa tur cheng vbc. 15 vel a batsak mek.

Thu dawn danin, Rem Rem Enterprise hian December 2014 khan buhfai quintal 61,400 a supply a, a man cheng vbc. 15 vel chu nimin thleng khan Mizoram sorkarin a la pe lo a ni. Food Corporation of India (FCI) hnena buhfai lei a nih chuan FCS&CA department chuan a man a pe lâwk ṭhin niin an sawi.

Rem Rem Enterprise hi buhfai qtl. 30,000 supply tura thlan phawt an ni a, an supply zawh hnuah qtl. 61,400 supply tura tih leh an ni. Tunah hian buhfai supply turin thlan leh an ni a, an supply zat tur erawh tihfel a la ni lo. Rem Rem Enterprise hian FCI aiin Mizoram sorkar hnenah buhfai a pe tlawm zawk a ni.