Khawthlir

Law officer tur
MPSC chuan law & Judicial department-a law officer/special officer an lâk tur chu January 12 khan written exam result a tichhuak a, personal interview hmachhawn turin mi pakua an tling. Law officer/special officer atan hian mi pathum lak tur a ni a, diltu mi 113 an awm a ni. Interview chu January 30, 2015-ah neih a ni ang.

IWMP sawiho
State Institute of Rural Development (SIRD), Kolasib chuan nimin khan Kolasib district MJA member-te tan IWMP chungchang zirhona an buatsaih a, IWMP kalpui dan leh a hlawhtlinna atana thil pawimawh hrang hrangte an sawiho.

E.Roll enfiah
Serchhip district-a electoral roll observer Zothankhuma chuan nimin khan Serchhip a tlawh a; Serchhip addl. DC office-ah official pawimawhte nen Electoral Roll Special Summary Revision an enfiah.

Dental surgeon
MPSC chuan Health department-a medical officer (dental surgeon) grade-III hna thawk tur a lak chu nimin khan result a tichhuak a, Dr Janet Laldinpuii d/o J Lalduh-awma (L), Ser­chhip Vengchung a tling.

Medal lawmpui
Tun hnaia National Rural Competition Group-III neih zawh taka medal late lawmpuina hun chu nimin khan Mizoram State Sports Council conference hall-ah buatsaih a ni a, deputy speaker R Lalrinawma'n a hmanpui.

Nawr tum
MZP chuan nimin khan kumin chhung atan an pisa an hawng a, an president Lalhmachhuana chuan ‘The Mizoram (Selection of Candidates for Higher Technical Courses) Rules, 1999’ chu sorkarin tun thla chhunga a siam ṭhat loh chuan na zawka nawr an tum thu a sawi.