MLPC Act hman hun tur an sawiho

Excise & Narcotics department officer-te chu nimin khan END commissionerate-ah an ṭhukhawm a, MPLC Act hman huna an hnathawh dan turte an sawiho.

Meeting hi END commissioner Lal­hmunsanga'n a kaihruai a; senior officer-te leh district hrang hranga department hotute an kal kim. END secretary PC Lallawmsanga chuan, END hotute chu mahni hnaa inpekna thar leh thûk zawk nei tur leh, thawhpuite nena thawhhona ṭha lehzual nei turin a chah.

Meeting-a tarlan danin, Mizoram Liquor (Prohibition and Control) Act chu January 15, 2015 aṭanga hian hman ṭan tur a ni a, MLPC Act kaihhnawih thil mamawhte chu la peihfel vek lo mah se, sorkar chuan a theih ang angin a kengkawh dawn a ni.

END hotute chuan, MLPC Act hman ni mah se, licence/permit mumal taka pek chhuah a la nih loh avangin zu kaihhnawihah dan bawhchhiat a awl hle dawn tih an sawi a, mipuite chu fimkhur turin an chah.