Estimate Committee-in Darzokai lei an enfiah

Assembly Estimate Committee member-te chuan nimin khan an chairman, Lalrinliana Sailo hoin Darzokai lei dawh mek chim ta an tlawh a, lei dawh ṭhat hna thawh mek dan an enfiah.

Estimate Committee aṭanga thu dawn danin, lei chim chhanah contractor-te fimkhur tâwk loh vang ni theiin an hria a; police-in an chhui chiannaah pawh contractor-te fimkhur tâwk loh vangah an puh a ni.

Estimate Committee chuan, lei dawh hna chu ṭha leh rang taka thawk turin contractor an hriattir a; contractor chuan, April, 2015 chhunga an zawh hman tur thu a lo hrilh.

Estimate Committee-te hian contractor leh lei dawhna hmun hnaia mipuite inkara buaina awm deuh chungchangah khawtlang hruaitutute chu theih-tawp chhuaha lei dawh zawh a nih theihna atana contractor-te nena thawkho turin an chah.

Lei enfiahnaah hian Estimate Committee member-te - Vanlal­zawma, Dr Ngurding­liana, R Vanlalvena, T Sangkunga leh Vanlalawmpuii Chawngthu te an kal a ni.