Skill development training ṭan

Ministry of DoNER bultuma Mizoram Youth Commission (MYC) hnuaia hmarchhak state ṭhalaite tana duan, Skill Development & Capacity Building Project chu nimin khan MYC training hall-ah minister R Lalzirliana'n a hawng.

R Lalzirliana chuan, MYC hmalakna avangin Mizo ṭhalai tam takin hna an hmu chu lawmawm a tih thu sawiin, "Tuna training mek leh la nei turte pawh state leh ram páwnah pawh hna hmu tlakin an chher chhuah ngei ka beisei. Thiamna bik neite tan hna hmuh an awlsam bik a ni," a ti a; training turte chu an zawh hnuah an hriatna leh thiamna tizau zel thei chhiar tam turin a chah.

MYC chairman T Sangkunga sawi danin, Skill Development & Capacity Building Project atan DoNER chuan cheng nuai 251 a pe a, tunah hian cheng nuai 188 chu MYC account-ah a lut tawh. Project hnuaiah hian Mizoram, Manipur, Sikkim, Nagaland leh Assam atangin ṭhalai mi 232 lak an ni a, training tur batch dang pawh lak leh thuai tum a ni.

MYC din tirh a-
ṭangin ṭhalai mi 1,788-in ram chhung hmun hrang hrangah hna an hmu tawh a, mi 3,640 chuan ram pawnah hna an hmu tawh a ni.