Sorkarin lei tawlha thite a rál

May 21, 2016 tlaia Zonuam, Aizawla lei tawlh vanga thi mi pathum chhung-te hnenah sorkar chuan nimin khan Rs. 12,00,000 a hlan.

Lei tawlhin in a delh--naa thite hi sorkar laipuia Ministry of Home Affairs hnuaia Disaster Management Division-in leilunga chhiatna vanga thite mi pakhatah Rs. 4,00,000 zel a pek ṭhin aṭangin ṭanpuina pek a ni a; tun hi Rs. 1,50,000 pek ṭhin, Rs. 4,00,000-a tihsan hnua Mizorama pek hmasak ber a ni a; Aizawl DC pisaa SDC R Van-lalsawma chuan a hlan.

Kaplali (82), Lal-thlengliani (39) leh Lal-hmangaihzuali (13) te tan Rs. 4,00,000 ṭheuh pek a ni a, a vai-a belhkhawm Rs. 12,00,000 chu an chhung-te hnenah hlan a ni.

May 21 zana Zonuama lei tawlh hian Rualthankhuma in a delh a; in chhawng hnuai zawk luahtu Lalthlengliani leh a fanu Lalhmangaihzuali, pawl 8 zirlaite hi an thi. Lalthlengliani hi a hmunah a thi a, Lalhmangaihzuali erawh chu damdawi-inah a thi.

In chhâwng chung zawka awm Kaplali chu damdawi-inah enkawl a nih hnuah May 22 zan dar 9 velah a hliam tuar loin a thi a ni.