KHAWTHLIR

MPF kum 10-na

Mizoram People Forum (MPF) chuan, vawiin chawhma dar 11 hian Vanapa Hall-ah a kum 10 tlin an lawm dawn a, a duh apiang tel turin an sáwm. MPF kum 10 tlin lawmnaah hian kohhran pawl hrang hrang aiawh leh tlawmngai pawl leh political party hrang hrang aiawhte'n thu an sawi dawn a ni.

Training hawng

IPR department leh Mizoram Film Development Society buatsaih, Workshop on Skill Development for Film Producers cum Actor Training chu nimin khan IPR conference hall-ah IPR director Jim K Chozah-in a hawng.

Kolasib Times

Kolasib-a ni tin chanchinbu thar, 'Kolasib Times' chu nimin khan Kolasib MJA president H Vanlalnghaka'n Kolasib Press Club-ah a tlangzarh. Kolasib Times-ah hian editor leh publisher chu LH Malsawmtluanga a ni.

Exam tan

Mizoram Hindi Prachar Sabha (MHPS) chuan nimin aṭang khan Nepali Middle School, Khatlaah Hindi pawl 10 aṭanga BA thleng board exam an buatsaih ṭan. MHPS hi Ministry of Human Resources Development hnuaia mi a ni.

Saihaah YWCA

Nimin khan Saihaa IPR conference hall-ah Young Women Christian Association (YWCA) din a ni. Saiha YWCA president-ah Ellen Hlychho (ECI) niin secretary-ah Sophya Khithie (CCI-M)), a ni a, hruaitu dangte an ruat bawk.

Zu leihbua

Central Young Lai Association hnuaia kumpuan committee chuan sap zu an man, um 169 chu Pathianni tlai khan CYLA office bulah an leih bua.

Councillor-in

Chawimawi

Aizawl Municipal Council-a Ward No. XIII-na bialtu councillor Zonunsangi Fanai chuan nimin khan an inah a bial chhung mi, Lalrintluangi, Dawrpui Vengthar, tun hnaia Mt. Everest chhîpa láwn chhuak chu chawimawina thuziak leh pawisa a hlan.