Swachh Bharat-a hna thawhte sawiho

Aizawl District Level Swachh Bharat Mission (Gramin) Committee chu nimin khan an chairman Kannan Gopinathan, Aizawl DC hoin an ṭhukhawm a; kum 2016-2017 chhunga an hnathawh tawhte an thlirlet bakah, hmalakna tur la awm-te an sawiho.

Meeting-a tarlan dan-in, Swachh Bharat Mission (Gramin) hnuaiah hian khawtlang faina leh thianghlimna kawnga hmalakna pawimawh tak pakhat chu, chhungkua zawng zawngin inthiar-na mumal an neih a, ram pum chu zun leh êk kawng-a fihlim, Open Defecation Free (ODP)-a inpuan tum a ni.

Aizawl district chu kum-in chhhung hian ODF-a inpuan hman an tum a, district chhungah tun dinhmunah chhungkua 2,065 chu ek-in mumal (sanitary) la nei lo an ni. ODF-a a inpuang tur chuan inthiar-na hmantlak, tho leh rannungin a bawm theih loh neih bakah, a hmangtute'n an hman zawha sabawn nen kut silfai nachang an hre tur a ni.

ODF endik tur hian block level, district level leh state level-ah Verification Team din a ni. Kum 2011 census a lan danin, Aizawl district-a khaw 94-ah chhungkua 82,524 an awm a, chu'ng zinga chhungkua 2,065 chuan inthiarna hmantlak leh thianghlim an la nei lo.