Inthiarna nei lo awm lohnaa puan Champhai dist. auditor-te'n an endik

Inthiarna mumal nei lo awm lohna - open defecation free (ODF)-ah Cham-phai district puan a nih avang-in Quality Council of India (QCI) Auditor Team-te chuan Cham-phai district an endik.

QCI Audi-tor Team-te hian Pathianni khan Champhai DC Vanlalngaihsaka hoin official-te Champhai Cir-cuit House-ah an kâwm bawk.

Champhai DC chuan, ODF-ah Champhai district puan a nih theihna atana hmalakna hrang hrangte a sawi a; ODF ni tura an hmalaknaa harsatna an tawhte hrethiama report thehlut turin QCI Auditor Team-te a ngen a, auditor-te'n duhkhawp loh an sawi-te leh rawtna an neihte chu rang taka bawhzui a nih tur thu a sawi.

QCI Auditor-te hi insem darhin khaw thlan bik 20 - Champhai RD Block aṭangin Tualchéng, Hnahlan, Ngúr, N. Khawbung, Vaikhaw-tlang; Ngopa RD Block aṭangin Kâwlbêm, Ngopa, NE Khawdungsei, Pàwlráng, Hliappui; Khawzawl RD Block aṭangin Chawngtlai, Tualte, Rabung, Chhawrtui, Neihdawn leh, Khawbung RD Block
aṭangin Farkawn, Vaphai, Samthang, Dungtlang, Khawbungte an endik a ni.

QCI Team-te chuan khaw hrang hranga an thil hmuhte sawiin, "ODF hi vawi khat nih mai a tâwk lo a, mihring pung zel mila hmalak chhunzawm reng a ngai," an ti.

QCI Team hi Swatch Bharat Mission project manager Satendra Kr. Singh-a’n a ho a, auditor pasarihin an ṭawiawm a ni.