Inelna leh exam-a tiṭhate chawimawi

Kolasib district-a zirlaite tana disater management chungchanga essay, painting leh quiz inelna buatsaiha tiṭhate hnenah leh HSLC leh HSSLC exam-ination-a tiṭhate hnen-ah nimin khan Diak-kawn YMA Hall-ah chawi-mawina leh lawmman sem a ni a; Kolasib DC H Lalengmawia'n a hmanpui.

H Lalengmawia chuan, Mizote chu tuipui râl aṭangin missionary-te'n zirnna bul an rawn ṭan tih a sawi a, "Zofate kan vannei hle a, zirna hi a bul ber a ni a, a rah chu hlawtlinna a ni. Pathianin thil chhût thiamna min pe a, chu chuan kan nun min kaih ruai ṭhin. Ziak leh chhiar thiam loh chuan kawng dikah kal ngaihna a awm lo," a ti.

Inkhawmah hian Kolasib district MISSTA president GS Zaithantluang-a leh DIET principal C Vanlalmawia ten zirlaite fuihna thu an sawi. Painting, essay leh quiz competition-ah hian pakhatna aṭanga pathumna thleng lawmman pek an ni.