Governor-in National Integration Tour vai liam

15th January, 2015

Governor Dr Aziz Qureshi chuan 23 Sector Assam Rifles leh IGAR(E) bul tuma National Integration Tour-a kal turte chu nimin khan Assam Rifles hmun aṭangin a vai liam.

Dr Aziz Qureshi chuan, integration tour buatsaih a ni chu lawmawm a tih thu sawiin, "Hei hian naupangteah ram chhunga cheng mi hrang hrang inunauna leh inngainatna te, inṭanpui tawn duhnate a hrin chhuah ngei ka beisei," a ti.

National Integration Tour-ah hian Mizoram hmun hrang hranga naupang thlan chhuah mi 22 an kal a, India rama hmun pawimawh hrang hrang an tlawh bakah, Home minister Rajnath Singh leh minister of state for Home Affairs Kiren Rijiju-te an hmu dawn a ni.