MKHC-in ṭawngṭai turin ngen

Mizoram Kohhran Hruaitute Committee (MKHC) chuan thu­chhuah siamin, tunlaia Mizorama tharum thawh­na a pung zel chu pawi an tih thu an tarlang a, tharum thawhna a thlen tawh lohna tura ṭawngṭai turin Mizoram mipuite an ngen.

MKHC hruaitute January 13, 2015-a ṭhu­khawm chuan tunlaia Mizorama sualna thleng mekte an sawiho a; thu­chhuah siam nghalin, "Mi­zorama tharum thawhna lo pung zel leh mihring nunna inzahsak miah loa rapthlak taka thisen chhuahna leh nunna hial inlaksakna a thleng ṭhin hi pawi kan ti em em a. Hetiang tharum thawhna hi kan ramah thleng tawh lo se a duh tak zet a ni," an ti.