Minister C Ngunlianchunga'n Mipui rawng bawl turin chah

Minister C Ngunlianchunga chuan, sorkarna siamtute leh officer-te chu dawhkâna inti lal taka ṭhu ringawt tur an nih loh thu a a sawi a, "Mipui rawngbawl tur kan ni," a ti.

C Ngunlianchung­a hian nimin khan AH&Vety department buil­ding-ah a department chan - AH&Vety, Disaster Management & Rehabilitation leh Printing & Stationery department officer-te a ko khawm a, kum thar atan fuihna thu a sawi. C Ngunlianchunga chuan, mipuite rawngbawl chu sorkar hnathawkte thawh chhan a nih thu sawiin, "Mipui awm lo se sorkar hna thawh chhan tur a awm lo," a ti a; officer-te chu anmahni dawrtute chu an VIP a ni tih hre nawn fo turin a chah.

C Ngunlianchunga chuan, sorkar hnathawkte chu mahni hma zawn ṭheuha rinawmna leh taimakna nena theihtawp chhuah turin a sawm a, "Kum liam taah khan tihdik tawk loh kan nei thei, siamṭhat theih a ni tawh lo. Kum tharah hian kan tih dik tawk lohte theihnghilhin, Zoram tan i inhlan thar ang u," a ti.

Sorkar hnathawkte chu thawh loh hlawh la lo ngam tura fuihin C Ngunlianchunga chuan, "Thawh loh hlawh i ît lo ang u. Kan thawh hlawh ṭheuh la turin ṭan i la ang u," a ti a; mahni thawh hlawh ṭheuh la tura sor­kar hnathawkte'n ṭan an lak chuan a rah hmuh tur a awm ngei tur thu a sawi.