External Affairs Director-in Mamit a tlawh

Ministry of External Affairs director M Keivom chuan nimin khan Mamit a tlawh a, bawrhsap pisaah Mamit aspirational district hmasawnna hna kal mekte thlirhopui.

M Keivom chuan, Mamit district-a hma­sawnna hna hrang hrang a nihna tur ang taka thawk tur leh aspirational district an nihna aṭanga khaichhuah a nih theih nan theihtawp chhuah turin sorkar hotute a chah.

Mamit district-a district hnufual chawi­kanna atana hmasawnna hna kal mek leh zawh tawh te, hmabak la awmte a lem nen tarlan a ni a; sorkar laipui kaltlanga NITI Aayog aṭangin cheng vbc 19 hmuh a nih thu te, cheng nuai 200 a lo kal mek thu te, August 2023-a overall ranking-ah mamit chu pangana a nih thute a tarlang.

External Affairs Director hian Mamit District Hospital, Angan­wadi Centre pakua leh Mamit College-te a tlawh bawk.