MSPMC-in in sak lai pahnih an endik

Mizoram State Project Monitoring Committee (MSPMC) chuan nimin khan Tuikual North-a Multi Utility-cum-Community Centre sak mek leh MINECO-a State Resource Centre for HIV/AIDS sak mek an endik.

Multi Utility-cum-Community Centre hi North Eastern Council (NEC) aṭanga hmuh vbc. Rs 299.91 hmanga sak niin, contractor chu Risors Associate, Zarkawt a ni a, nodal department chu UDPA a ni. State Resource Centre for HIV/AIDS chu NESIDS sum nuai 400 hmanga sak niin, contractor chu Lalnunmawia, Bungkawn a ni a, nodal department chu MSACS a ni.

In sak mekte chu rua-hman anga sak a nih leh nih loh te endik a ni a, MSPMC chuan hna a ṭha thawkhatah an ngai. Ruahman ang taka a puitlin theih nan hmalak zui dan turte department hotute leh contractor-te an sawipui bawk.

MSPMC team hi vice chairman R Lal Rinawma, IRS (Rtd)-in a ho a; secretary Lalthanzuala Ralte bakah member panga leh official-te an tel.