Minister-in khawtlang hruaitute a kâwm

Minister of state Lalnghinglova Hmar chuan nimin zing khan a bial Aizawl West-II chhunga Dinthar Local Council House-ah Dinthar LC, tlawmngai pawl leh political party aiawhte kâwmin, khawtlang mamawhte leh hmalak dan turte a sawipui a; Dinthar thlanmuala lei minna hmun a tlawh bawk.

Lalnghinglova Hmar chuan, Mizoram Building and Other Construction Workers Welfare Board (MBOCWWB) hnuaia kut hnathawktu (construction worker)-te tana hamṭhatna awm theite a tarlang a; mipui náwlpui hriata puanzar dan tur te, khawtlang leh kohhran ṭangruala ruihhlo do leh ruihhlo ngaite chhanchhuah dan tur te, zirna-in hrang hranga zirtirtu indaih zawka kalpui dan turte sawiho a ni.

Dinthar khawtlang hruaitute chuan an mamawh hrang hrang Minister hnena an thlen a; chu'ng zingah chuan veng chhung inkalpawhna kawng changtlung zawk neih, kawlphetha ṭha zawk neih, infiamna hmunhma tihhmasawn, mipuite’n tui in tur thianghlim leh hnianghnar an neih theihna tura hmalakte a tel.

Lalnghinglova Hmar hian Dinthar thlanmuala lei min leh che chu a hmunah a tlawh a, khawtlang hruaitute nen chhiatna nasa zawk a thlen loh nana hmalak dan tur an sawiho a ni.