Minister-in Champhai a tlawh

Cooperation minister PC Vanlalruata chuan nimin khan Champhaia Cooperation department office, NABARD office, Champhai Higher Secondary School leh Tribal Girls Hostel-te a tlawh.

Champhai HSS hi Champhai Town Multipurpose Cooperative Society (CTMCS) enkawl a ni a; Tribal Girls Hostel sak mek chu CTMCS-in Ministry of Tribal Affairs aṭanga an hmuh cheng vbc. 6.2 hmanga an sak a ni.

Cooperation office a tlawhnaah PC Vanlalruata chuan, sorkar laipui leh Mizoram sorkarin cooperative society-te tihhmasawn an ngaih pawimawh thu sawiin, "Society-te tihchak hi Mizoram sorkar thar thil tum lian ber pakhat a ni," a ti a; society hlawhtling tak a awm theih nan thawhhona ṭha a pawimawh thu a sawi.