Kolasib-ah thlai enkawl dan inzirtir

Krishi Vigyan Kendra (KVK), Kolasib chuan nimin khan an hmunah loneitu hmeichhiate tan Nutri-Sensitive Agriculture Research Innovation (NARI) leh National Research Centre for Integrated Pest Management (NCIPM), New Delhi training an buatsaih.

Zirhona hi KVK, Kolasib-a hotu senior scientist Dr Michelle C Lallawmkimi'n a kaihruai a; thu sawiin, Kolasib district leilung hausaknate leh ṭhatnate hai chhuak theitu chu loneitute an nih thu a sawi a, "Taimakna tel lo chuan eng eizawnna mah hi a hlawhtling thei lo," tiin, taima taka hna thawk tur leh zirhona aṭangin an tana ṭangkai tur zir chhuak ngei tum turin a chah.

NARI hi Ministry of Agriculture and Farmer’s Welfare hnuaia programme a ni a; zirhonaah hian agronomy, horticulture, plant protection leh agriculture chung-changah Kolasib-a mithiamte'n thil pawi-mawhte an zirtir a ni.