Thudik lo thehdarhtu police-in an man

Tuikhuahtlanga hmei­chhe pakhat an pawngsawl rawn anga thudik lo thehdarhtua puh Ruth Chalthansawmi (22), Saron Veng chu ni­­min khan police-in an man.

Police hotute sawi danin, Ruth Chal­thansawmi chuan a thu thehdarh hi an ṭhianho whats app group-a fiamthua a thawn a nih thu police-te a hrilh a ni. Ruth Chalthansawmi hi IT Act. Sec 66 leh IPC 203 hmanga thubuai siam sak a ni a, he dan hnuaiah hian kum thum chhung lung in tan leh cheng nuai khat chawi tir thlenga inhrem theih a ni.

He thu hi Mizoram hmun hrang hrangah a darh chak hle a; Tuikhuahtlang Branch YMA chuan FIR an thehlut a ni.