German palai leh MJA-te an inkâwm

Kolkata-a German consul general Rainer Shmiedchen leh a nupui chuan Nilaini tlai khan Aizawl Press Club an tlawh a, MJA president Vanlalrema Vantawl leh hruaitu dangte'n lo dawngsawngin, an inkâwmho.

German consul general chuan, Mizoram press mite zingah Germany-a professional course ti duh an awm chuan an inhawng reng tih a sawi a, “Kum 2012-a ka lo kal khan German coach in duh thu in sawi a, ka rawn tir a; kha khan nghawng a nei chho zel a, Hoffenheim club thlengin an rawn kal phah ta a ni,” a ti.

Rainer Shmiedchen chuan, Mizoram remna leh muanna chu thil hlu a nih avangin, Zoram mipuite'n hlut zual zel se a duh thu a sawi a; Germany-ah professional course hrang hrang ṭhahnem tak a awm tih sawiin, a tuite tan theihtawp chhuah a inhuam thu a sawi a ni. Bru leh Chakma chung­chang an sawiho bawk.

German consul general Rai­ner hian kum 2012-a Aizawl Press Club a tlawh ṭum­in leh­khabu a pe tawh a, tun ṭumah pawh hian ‘Coffee Book’ leh Germany flag rawng football a pe leh a ni.

Germany consul general Rainer Shmiedchen leh a nupui hian nimin khan Kolkata panin Aizawl an chhuahsan.