Tualthattu Tlanchhuaha pain thuchhuah siam

Sangliansiama, Republic Veng­te chhungkaw thattu Laltlan­chhuaha pa Parzuala chuan thuchhuah siamin, an fapa magis­trate hmaa a inpuanna chu thudik a nih loh thu a tarlang.

Parzuala chuan, "Sanglian­siama-te chhungkua, kan chhung­kaw ṭhian leh min hmangaih em em ṭhintute rilru tina tur hawi zawnga magistrate hmaa a inpuanna nia lo lang 'An hnena inhlawh thin leh thla khat hlawh bat pek duh loh vanga an chunga tualthahna thlen chhan' tih anga a inpuanna ni awma lo lang ta mai hi pawi kan ti tak zet a ni," a ti a, Laltlanchhuaha hi Sang­liansiama-te hnenah hian a inhlawh loa, an pawisa pawh an bat loh thu a sawi.

Parzuala chuan Sangliansiama chhungte zawng zawng te, an veng mipuite leh Zoram mipuite chungah Pathian hmingin ngaih­dam an dil a ni.