MSTCS an inhlanthar

Mizoram State Tobacco Control Society hnuaia thawkte chuan, nimin khan ATI conference hall-ah kumthar atana inhlan tharna hun an hmang a; Indian Society on Tobacco & Health, Mizoram Chap­-ter president Lal Riliani'n a hmanpui.

Lal Riliani chuan zuk leh hmuam do chu hmasawn harsa tak leh chak taka hmalak harsatna a nih thu sawiin, "Theih­tawp chhuaha thawktute avangin zawi zawiin hmasawnna a awm mek a ni. Zuk leh hmuam do hi sorkar laipui pawhin a ngaih pawimawh avang­in, phal lohna hmuna mei zu hremna, Rs. 200 chu Rs.1,000 ah tihsan tum a ni," a ti.

Inhlantharna in­khawm hi MSTCS state nodal officer Dr. Jane Ralte-in kaihruaiin, MZU professor pahnih Zokaitluangi leh Golda Dell Zohmangaihi leh National Tobacco Control Programme consultant Vanlalzari te thuziak zirho a ni.