MPCY-in NDA sorkar an dem

MPC ṭhalaite chuan thuchhuah siamin, Cen­tral-a BJP kaihhruai NDA sorkarin rorelna thla riat an chelh hnuah pawh minister pakhat pawhin Mizoram an la rawn tlawh ve lo chu hriatthiam harsa an tih thu an tarlang a; NDA sorkar chu Mizoram ngaihsak ve turin an phût.

MPCY chuan, hmar­chhak state dangte chu Central minister hrang hrangin an tlawh tawh nia sawiin, chutih laia hmarchhak bialtu bik Department of North East Region (DoNER) miniter hmasa Gen. VK Singh leh tuna mi Dr Jitendra Singh ten tun thlenga Mizoram an la rawn tlawh lo chu an hriatthiam loh thu an sawi a, "Heti taka Mizoramin Central sorkar ngaihsak kan hlawh lo hi ngaituah tham fê tlingah kan ngai," an ti.