Faina Hnatlangpui neih rel

Clean Mizoram Movement Committee chu nimin khan parliamentary secretary, Joseph Lalhimpuia hoin a pisaah an ṭhukhawm a, January 30, 2015-ah Mizoram pum huapin 'Faina Hnatlangpui' neih an rel.

Committee chuan, Mizoramah mi tinin faina an veia an engto theihna turin faina chungchang chu movement anga kalpui ṭha an ti a; chumi atana hna hmasaah January 30-ah Mizoram pum huapa Faina Hnatlangpui neih hi an rel a ni. Committee chuan, January 30-ah mahni theih dan kawng ṭheuh mi tin faina hnatlang nei turin an ngen a ni.

Committee-a rel a nih dan chuan, hnatlangpuiah hian hnim leh phûl thlo loin, bawlhhlawh thenfai hna thawh tur a ni ang.