Gilead Special School-ah autism enkawlna hawng

Health minister Lal Thanzara chuan Nilaini khan natna khirh (autism) avanga pianphunga rualbanlote enkawlna, Gilead Special School, Falkland-ah a hawng.

Lal Thanzara chuan, autism-in a tihbuai leh an chhungte chu lungngaia indawm kun mai lo a, beiseina nen Gilead Special School pan nachang hre turin a chah a; sikul enkawltute chu an mamawhnaah chuan sorkar be ṭhin se a duh thu a hrilh.

Autism school hawnnaah hian AMC chairman Zarzoliana, vice chair­man Lalrinenga Sailo, chief information commissioner Lal Ding­liana, AMC CEO M Zo­hmingthangi leh PWD commissioner B Sairengpuii te pawh an tel a ni.

Autism school ṭanpui nan hian Health Minister Lal Thanzara'n ama sum Rs. 50,000, AMC-in Rs. 20,000 bakah mi ṭhahnemngai eng emaw zatin pawisa an thawh a ni.

Sorkar thuchhuah tarlan danin, autism hi khawvel pumpuiah pawh vei an tlem a, enkawl a hautakin hetiang natna vei naupang pakhat tan hian zirtirtu pakhat a ngaia sawi a ni.