Kohhran zah loah CM puh

MPC ṭhalaite chuan thuchhuah siamin, chief minister Lal Thanhawla’n mipuite'n zu chhia an in nasat chhanah kohhran a puh tih an tarlang a, "Pathian leh kohhran pawisak lohna leh zah lohna lian takah kan ngai," an ti.

MPCY chuan, mipuite'n zu chhia an in nasat chhan chu kohhrante'n an tih tur an tih loh vang ni loin, Congress sorkarin ram leh mipuite hmangaihnaa rawngbawlsak lo a, duhâmna leh hlemhlêtna a kalpui nasat vang niin an sawi a, "Ram hruaitu lu berin Pathian leh kohhran meuh hlau a pawisa lo a nih chuan kan ram leh hnam hma lam hun a thim hle dawn a ni," an ti.