KHAWTHLIR
Polling station hmun tur tichhuak
State Election Commission chuan nimin khan Aizawl district-a village council leh local council inthlana polling station turte a tichhuak a, Aizawl District Election Officer (DC) hnenah a hriattir nghal. Polling station atana duh bik nei Chanmari, Aizawl mipuite vote thlakna atan Mizo High School ruat a ni.
Thisen pe
Mara Thyutlia Py (MTP) Meisavaih East Branch chuan nimin khan Siaha District Hospital tan thisen unit 35 an pe a, a petute mipa 30 leh hmeichhia panga an ni.
SRH-ah mi 40
State Referral Hospital-ah Covid-19 vei mi 40, mipa 34 leh hmeichhia paruk enkawl mek an ni a; ICU leh SICU-ah mi pahnih ve ve awmin, Isolation Ward-ah mi 36 an awm.
Lak luh khap
Champhai District Magistrate chuan thupek chhuahin, Mizoram páwn aṭangin vawk, vawksa leh vawksa aṭanga thil siam reng reng lak luh khap a nih thu a puang. Khapna thupek hi vawk natna African Swine Fever laka himna tura chhuah a ni a, thla hnih chhung a huam ang.